4 gode veker i Pokot :)

No er vi tilbake i Nairobi etter 4 veker i Pokot, godt å endeleg kome fram etter ein 9 timar longe biltur.
Kjekt å treffe folka igjen på tomta her!
Var rart å reise frå Kapenguria i går, følte meg heime der, men godt å kome hit til Scripture mission også.

Den siste månaden har eg opplevd mykje, inntrykka har pressa på og eg har sett og høyrt mykje. Husmøtet i ei lita jordhytte i Kapenguria står ganske sterkt i minne, var minst 14 stykker inne i den lisje hytta. Der blei vitnesbyrd delt, noko blei oversatt. Skjønte at vi tente den same Gud og det var sterkt å sjå kva Jesus hadde gjort med liva deira. Vi song ilag og halve teft-gruppa som var der framførte nokre songar. Det var so spesielt å vere der!

Var ei helg ved Mt.Elgon, grensa til Uganda. Her var vi litt med på ein ungdomsleir. Karen og eg budde i eit veldig flott jordhus, levde ganske primitivt. Fekk kokt varmt vatn til å vaske meg om morgonen, før vi gjekk opp for å ete frukost. Køyrte til ein nasjonalpark på laurdagen, her fekk vi sjå antilope, sebra, sjiraff og nasehorn på nært hold. Klappa nasehornet, dei er so svære! Kjendest ut som å klappe ein uttørka fot. Kjekt å mate sjiraff!

Gruppa blei delt opp og mi gruppe reiste til Anet, longt oppe i fjellet. Blei forundra monge gongar over at vi kom oss opp med bilen, hadde ikkje gått utan firhjulstrekk iallfall. Var saman med ungdommane som var leiarar der, gjekk to turar med dei. Blei vist eit fantastisk utkikspunkt, såg bort til grensa i Maraqwet. Fekk grøne appelsiner frå ein chamba.
Etter ein tur til og ei stund med venting, blei vi vist der vi skulle sove.

Var i afrikansk bryllaup, tydeleg prega av amerikansk tradisjon. Måtte gå ut av seremonien i kyrkja, for det blei so heitt. Nokre av oss satt på ein benke utafor, plutseleg hadde vi 100 born samla rundt oss i ein runding.

Sist helg delte vi oss igjen og var på ungdomsleir i Poole. Ungdommane lærte om hiv/aids på leiren, det var eit av seminara. Rart at det er so sjølvsagt at dei skal lære om det, men det er kjempeviktig. Monge myter som må bli avklarert!
Den andre gruppa kom til oss frå Kasei om kvelden, då viste vi "Jesusfilmen" på Pokot, det var monge som ikkje hadde sett den før. So det var kjekt å sjå det kom so monge.

I morgo er det siste innspurt på undervisning her på tomta før juleferien.
Håpar dykk har ei fine adventstid og at dykk tek tida til å nyte den!

Pokot neste :)

TeFT-huset som vi bur i på tomta. Under, ein av krabatane vi har hatt besøk av på taket.

Fann kenyas svar på H&M i Noreg, nemleg Mr.Price! Var på Junction saman med Karen og Aina, vi kosa oss på kjøpesenteret og tida flaug som berre det. Rakk kveldsmat og pasjonsjuice på Java :)
Turid informerte oss om Pokot-opphaldet og litt kva vi kan vente oss. Høyrest veldig spanande ut, so no ventar ein 8 timars køyretur.



I morga setter vi nasa mot Pokot. Der skal vi vere i fire veker!
Grunna lite nettdekning, blir det lite med bloggoppdatering.
Kan godt vere at det ikkje blir skrive noko på ein månad.
Skal besøke bibelskulen og misjonstasjonen. Vi skal også få undervisning i
Nehemja, Johannesevangeliet og "Der du er" av misjonærar.
Kjem nok med eit fole longt innlegg om Pokot når vi er tilbake i Nairobi.

Dykk får ha ei fine adventstid og
Gud signe dykk!

Moja, mbili, tatu

I går hadde vi siste timane med swahili-kurs, var heilt supert å ha Patrick som lærar!
Skulle lære heilt på tampen kva klokka er og klokkesystemet på swahili. Kunne godt hatt mange fleire timar :)

Her regnar det ein god del, så kleda blir ikkje so fort tørre so ein skulle tru. Men, vi er på veg mot sommar no og regnet er ei velsigning. Det er då det verkeleg blir frodig og fint.

Reiste til Kibera slummen (nest største slummen i Afrika) etter lunsj, besøkte ein skule som var styrt av den lutheranske kyrkja. Borna var i alderen frå 3-8 år. Var godt å sjå at lærarane hadde eit so stort hjarte for elevane sine og at dei verkeleg brydde seg om dei. Fekk leike med dei etter at dei hadde ete lunsj, jammen godt at lærerinna kunne oversette leikar som"Haien kommer", men den blei gjort om litt og blei "Simba is coming" istaden for. Etter utallige forsøk på slå på ringen, kom ein fram til at gøyme og leite var litt lettare. Men, det minte meir om ein spesiell versjon av Bolmegfemtifri. Borna byrja plutseleg å springe fram frå gøymestadane og eg klødde meg i hovudet og skjønte lite. Eine gongen skulle eg gøyme meg med 10 born, du kan no tenkje deg kor bra den gøymeplassen var :)

Smakte quesedillas og yoghurt smoothie på Java House, anbefala Dormans og Java house, gode kaffibarar :)

Blei vist rundt på bruktmarknaden, det var tett i tett med buder som selgde skjørt, kjolar, skjorter, sko, belter, vesker, frukt og leiker. Var som ein liten labyrint, med dammar innimellom. Blei longe diskusjonar om ein skulle få ned prisane på skjørta, so dei var ikkje så lette å prute med.

På fredag reiser vi opp til Pokot, då blir det nok endå mindre blogging der.
Gledar meg til å reise opp dit!

Ha ein fine kveld!

More than cunquerors

Laurdagen var det duka for konsert med "The Cunquerors", eller ifylgje planen.
Vi reiste ut til ein kristen internatskule for jenter, med 400 stk.
Her blei vi guida rundt av jentene som gjekk der og fekk vist både klasserom og kontor.

Satt i VIP-teltet under skulefesten, som berre varte i nokre timar. Rundt fire.
Fekk høyre "The Cunquerors" syngje. Skulen hadde fleire klubbar som elevane kunne vere med i, bla. Korps, raude kors, journalist-, dramaklubben. Dei hadde fleire framføringar med prosesjonar, musikkinnslag og opplesning av dikt. Var ei oppleving å få med seg dette, var noko heilt anna ein typisk haustfest på min internatskule. Minte meg veldig om Ministry skular som ein har sett på tv-seriar, typisk Nrk.

Gudsteneste i Kawangare slummen, utruleg monge flinke kor!

Hejdå!

I remind my children to trust in God every morning

Kawangare slummen, copyright Bjørnar.

I dag var vi tilbake i Kawangare slummen, vi køyrte opp til kyrkja og fekk møte igjen nokre av gategutane og dei som jobbar med "Heart to heart" programmet.
Medan vi venta på Moses og James som skulle leie oss igjennom slummen fekk vi god oppvisning av akrobatisk øvelsar. Ein av gategutane, John, tok av seg skorna på føtene og sprang bortover den halvgrøne plenen og kasta seg rundt i ein salto. Plutseleg byrja ein å breake og slå stift bortover bakken. Det var utruleg stilig og vi hadde lite å stille opp med..



Vi blei delt inn i to grupper, James var det som leia mi gruppe. Målet for rundturen var å få oppleve gatene i slummen og fare heim på besøk til nokon. Joshua slo også fylgje med oss og etterkvart kom nokre fleire og holdt fylgje. Fyrst kom vi til ein skule for born som hadde mista foreldra sine på grunn av hiv/aids. Her blei vi møtt av heidundrande song inn i eit lite blekkskur, stappa av skuleungar. Det var eit heilt anna skulekor enn eg var vande med heimafrå, var utruleg gode lyd frå dei, so ja taket kunne ha letta der. Nokre kom fra til benken der vi satt for å presentere seg sjølv på engelsk og framføre eit memorert dikt, regle eller bibelvers. Det gjorde iallfall inntrykk på meg. Borna kunne mange flotte bibelvers utanat!

Etterpå blei vi vist heim til ei av skulejentene. Her blei vi møtt av Mary, ei varme mor som ynskjaoss hjarteleg velkomen inn i det vesle huset sitt. Mary hadde fem born og kvar dag fortalde ho borna sine kor viktig det var å stole på Jesus og ha tru på han. Dette var viktig for at ein skulle kome seg igjennom dagen. Eg blei heilt forundra då ho sa kor inspirerande det var å få oss på besøk, for det var jo ho som hadde mint oss på kor viktig det er å ha tillit og stole på Gud, kvar dag.

I morga skal vi vere med 5 gutar som kallar seg for "The conquerors", deira motto er å fortelje gospelet vidare til ein, altså nå ein, slik at den eine kan nå ein anna igjen osv. Vi skal reise ut med dei på ein jenteskule, mest sannsynleg blir vi delt opp og plassert en "TeFTar" på ei gruppe med ti jenter. Gruppa skal syngje songar og vi må vere klare til å syngje og danse med. "Be prepared to spread the Word of God" er det andre vi som kjem til å skje i morga. So det blir spanande å sjå kva vi blir kasta ut i. Blir nok endå ei oppleving eg seint kjem til å gløyme :)

"Dine lovbod er min eigedom for alltid,
ja, dei gleder mitt hjarta." Sal.119,111

Du, ha det fint so lenge!

Litt bileter

Her kjem litt bileter frå Kawangare, slummen. Det er Aina og Linda frå TeFT gruppa som har tatt desse gode bileta.

There's gotta be more to life...

Than chasing down every temporary high to satisfy me..
there's gotta be more.
Than wanting more...

Teksta til Stacie Orrico sin song snurrar bakhovudet. Etter ei veke i Kenya, har ting byrja å forandre seg. Her på Scripture Mission har vi eit fag ut ifrå bok som heiter "Purposedriving life" (Målretta liv av Rick Warren), der Philippe er læraren vår. Dette har fått tankane til å surre i ei litt anna retning enn ein har tenkt før. Det heile starta med Gud, vi er skapt av Gud og er definitivt ikkje tilfeldig kome hit. Tida på jorda er over som ein røyk, det er berre ein drope i det store havet. Kor liten føler ein seg ikkje då? Tenk at Gud er interessert i alt du teke føre deg, alle detaljar som skjer. "Ja, kvart hårstrå på hovudet dykkar er talt." Matt 10,30.
Uansett kor liten ein føler seg eller vekkgøymd, så er ein ikkje uvesentleg i Gud sine auge. Målet er evigheita, kvifor ikkje tenke meir på den?

I morgo er det reformasjonsdagen i henhold til Martin Luther så den anledninga reiste vi til slummen Kawangare og var med på "Reformation sports". Vi fekk ei omvisning på tomta og så blei vi delt inn i lag. Det besto av to lag "Simba" og "Chetaa", Simba va sjølvsagt best :) Fyrste konkurransen var potetsekklaup. Å heie var utruleg viktig! Gaula simba,simba med dei andre ungane på sidelinja. Dette har dykk vel høyrt før, men ja borna var heilskjønne!
Fortsatte konkurransen med volleyball og avslutta konkurransen med den afrikanske versjonen av stolleiken. Du kan ikkje berre springe eller gå vanleg rundt stolane, men du måtte danse deg rundt stolane til keyboardmusikken. Blei fole varme av det iallfall og veldig arti for nokså stive nordmenn.

Å høyre om dei store kontrastane mellom fattig og rik, har ikkje gjort all verda med meg. Men, å sjå kontrastane gjer noko med deg! Eine dagen går ein på kjøpesenteret på butikkar som er mykje finare enn kappahl og lindex heime. Den neste dagen er du med på å få oppleve ein brøkdel av kvardagen til born og ungdommar i slummen. Det gjer låkt inne i heile deg. Leiarane som er der gjer ein fantastisk jobb og det blir spelt mykje volleyball og fotball. Kjempeviktig prosjekt for å få ungdommar vekk frå narkotika og limsniffing.

Kan godt vere med å be for arbeidet som blir gjort.
Kwaheri!

African Culture

I dag fekk vi ei innføring i skikk og bruk til den afrikanske kulturen. Veldig lærerike timar med to energiske damer, Charity og Jennifer. Her lærte vi om helsingar og nokre plassar er det ein velsignelse å bli spytta på. Elles om kleskoda og måtar ein blir tatt opp i stamma for å bli vaksen.

Etter lunsj i Kaberien med gode bønner og ris, synest det er ganske så godt :) Me reiste til Hakima på Swahilikurs, læraren vår var fantastisk morosam! Nina itwa, Patrick. Fekk meg ein god latter fleire gongar og datt nesten av stolen. Lærte det grunnleggande med Hei, korleis går det, korleis har dagen din vore, god natt osv. Habari ya mchana? Habari ya leo bibi? Tips til å gjere ein annaleis entre på, du kan banke på døra rope "Hodi, Hodi!" (Hallo, er det noken her?) og svare "Karibu!" (Velkommen, kom inn).

Johanne, Linn, Kristian og eg tusla oss ein tur langs vegen for å utforske området. Mykje traffikk og mykje folk, fascinerande.

Det er ein struts på biletet.
Ha det fint so lenge!

Fyrste helga i Kenya

Fredags morgon 04.30 reiste vi frå Fjellhaug. Etter mellomlanding i Belgia og Uganda kom vi endeleg til Nairobi nærmare ti fredags kveld. Det var herleg å kjenne den søte lukta av afrika! Regnet kom på fredag og vi er inne i den lisje regntida i Kenya. Det blir utruleg frodig og fint når det kjem slike enorme mengder med væske ned.

Fekk fare på besøk til eit norskt par, Gerd og Jostein Holmedal på tomta deira "Villa Vega", som ligg ein time utanfor byen. Det humpa godt på den gjørmete vegen. Vi kosa oss på tomta med ein dukkert i bassenget, lapskaus og himmelsk lapskaus. Var godt då vi samlast til ein andaktsstund med salmesongar som "Han tek ikkje glansen av livet". Eg blei minna på at Gud har sett oss i saman og er heilt unike, som små parafinlampar. Nokre er fargerike og andre er heilt enkle. For å fungere må vi fylle på parafinolje, altså vere fylde av Anden. Bibelskulen som vi er ein del av er Tent For å Tene.

Det er utruleg fint å vere her på huset på Scripture. Var på gudsteneste i dag på engelsk og fekk framføre to songar på norsk. Deretter fekk vi omvisning i ein del av sentrum til Nairobi, ganske annleis å sjå det med eigne auger, den var veldig flotte.
I morga er fyrste offisielle undervisningsdag her, skal få lære meir om misjonsarbeidet i ei av kyrkjene her og det blir spanande.

Elles sprang ein struts rett framfor bilen, såg freiafuglen "Marabou" i Nairobi og eit villsvin sprang også framfor køyretøyet. Jepp, dette er heilt daglegdags med strutsar, villsvin, bavianar og svære freiafuglar langs vegkanten so nærme tettbebygde strøk.
Dette var nokre ord sånn heilt i byrjinga.

Me snakkast! :)

Ikkje lenge igjen

Om ei veke og nokre timar set årets teftarar føtene på afrikansk jord, for nokre er ikkje det fyrst gongen og for andre blir dette ei heilt ny oppleving :)

Sommarfuglane seier sitt og det blir ikkje noko problem med å få med for lite kilo på turen, heller blir det nok tilnærma grensa til kva som er maksimum. Snøven har lagt seg på nipa og elles i fjella, blir litt hardt å forlate snøven. Jaja. Betre lukke neste år.

Er nesten klar til å hoppe ut i dei komande månadane, som kjem til å bli 5 minneverdige månadar, dei blir nok ikkje lette å gløyme. Prøver å hugse alt pikkpakket før eg vender nasa mot Oslo. Ei pakkemaskin hadde vore alle tiders! No blir det informasjons- og innføringsveke før me reiser vidare til Kenya.
Då sjåast me seinare i Nairobi :)

Ha ein fine kveld!

Du får koma akkurat slik som du er

3 "Du får koma til Jesus når gale det gjekk,
Du får koma for tusende gong.
Han vil reisa deg opp, han vil gle deg igjen,
Han vil fylla ditt hjarte med song."
T: Trygve Bjerkreim 1964 - Du får koma til Jesus

So gjekk du på trynet endå ein gong,
du som lovde at dette aldri meir skulle skje.
Då er det godt å vite at Jesus strekker ut handa,
og vil reise deg opp igjen.
Ikkje fortvil, han slepper deg ikkje,
sei det slik som det er til Gud.

Få kome på ny

Få komme på ny, det er hva jeg trenger
ved kveld og ved gry, det er hva jeg trenger
hver time som går. Titt fiendens piler gir
sviende sår , jeg trenger en lege til hvem jeg
kan fly, få komme på ny.

2. Få komme på ny,
-Da skimter jeg solen bak svarteste sky.
Og lyder enn anklagens røst i min sjel:
Du er ikke ærlig, du er ikke hel,
Så får jeg dog slik til Guds faderfavn fly,
Får komme på ny.

3. Få komme på ny,
-Takk, at det ved korset er tilflukt og ly,
En renselseskilde som aldri blir tom,
Dit når ikke anklage, død eller dom!
Der er hva jeg trenger ved kveld som ved gry
Til vandring på ny.
T: Emilie Bovim 1934

Min Gud, kor rik eg er!

Bjørkelangen og UL

Med knappe 2 1/2 mnd til utreise har Teft gjengen 2010/2011 hatt ei samling på Bjørkelangen, Oslo. På UL i Ålgård var det også lagt opp til ei TeFT samling for dei som hadde moglegheita til å kome. Her samla årets og fjoråretsteftarar seg, vi fekk høyre mykje om korleis det var å gå på TeFT bibelskule på godt og vondt. Dette skal ein sjå fram til og berre glede seg!

Det kriblar godt i magen, forventningane til året er store og vonar dette blir konge!

6 mnd til utreise

På denne bloggen skal eg fortelje litt om korleis det er å vere med på TeFT som kortidsmisjonær i Kenya/Tanzania.

Skal prøve å oppdatere den jamnt og trutt.

Enn så lenge, kwaheri!